Xaricdə yüksək vəzifə tutan azərbaycanlılar - SİYAHI

19:56 / 30.10.2019
Baxılıb: 1568

Bu gün dünyanın 70-dən çox ölkəsində 50 milyondan artıq azərbaycanlı yaşayır. Xaricdə yaşayan azərbaycanlıların 10 milyondan çoxu isə mühacirətdə olanlardır. Ümumiyyətlə, xaricdə yaşayan azərbaycanlıların çoxu təşkilatlanıb müxtəlif diaspor qurumları yaradaraq Azərbaycanın təbliğatı istiqamətində addımlar atırlar.

Onlar yaşadıqları ölkələrdə tədbirlər keçirmək, medianda çıxış etməklə Azərbaycanı, Qarabağ həqiqətlərini dünya ictimaiyyətinə çatdırmağa çalışırlar. Diaspor nümayəndələrinin təkcə təşkilatlarla kifayətlənməyib, həmin ölkələrin dövlət qurumlarında çalışmaları isə ölkəmiz üçün böyük avantajdır. Çünki Azərbaycan haqqında mühüm qərarların qəbul olunmasında onlar mühüm rol oynayır. Bəs, xarici ölkələrin dövlət orqanlarında hansı azərbaycanlılar çalışır?

Məlum olub ki, diaspor nümayəndələrimizin bəziləri Rusiya, Ukrayna və Latviyanın dövlət orqanlarında çalışır.

Roman Əliyev hazırda Latviya Təhsil Nazirliyinin Məşvərət Şurasının sədridir. Fəlsəfə elmləri namizədi olan həmyerlimiz “Ocaq” Latviya-Azərbaycan Mədəniyyət Mərkəzinin, eyni zamanda Latviya prezidenti yanında milli azlıqlar üzrə birliyin sədridir.

1982-1987-ci illərdə Riqada 79 saylı orta məktəbdə müəllim, 1987-1992-ci illərdə Riqada Puşkin adına liseydə direktor müavini işləyib və 1992-1993-cü illərdə isə Riqada 83 saylı orta məktəbin direktoru olub.

“Elm və Mədəniyyət” qəzetinin üzvü, Riqa Klassik Gimnaziyasının direktorudur. 1998-ci ildə “Yaradıcılıq məktəbi”, “Yaradıcılıq qabiliyyəti və inkişafı”, 1999-cu ildə “Təhsil. Modellər və nəzəriyyələr” və digər elmi məqalələrin müəllifidir.

Estoniyadakı Azərbaycan diasporunun nümayəndəsi Eldar Əfəndiyev 2002-ci ildə Estoniyanın milli münasibətlər və məskunlaşma naziri təyin edilib. Estoniya parlamentinin X və XI çağırışlarının deputatıdır. Estoniya-Azərbaycan Parlamentlərarası işçi qrupunun rəhbəridir.

Eldar Əfəndiyev 1990-cı illərdə Narva muzeyinin YUNESKO-nun nəzdində Beynəlxalq Muzeylər Təşkilatına, 1992-ci ildə isə həmin muzeyin Baltik dənizi ölkələrinin beynəlxalq qala-muzey təşkilatına daxil edilməsinin təşkilatçısı olub. 1997-ci ildə Estoniyada aparıcı partiyalardan olan Mərkəzçilər Partiyasına daxil olub. O, həmin illərdə həm də İda-Virumaa qəzasının yerli özünüidarəetmə ittifaqının sədr müavini vəzifəsində işləyib.

1999-2000-ci illərdə Narva şəhərinin meri olub. Eldar Əfəndiyev 2004-cü ildə Tallin şəhərində fəaliyyətə başlayan “Bakılı” klubunun təsisçilərindən biridir. Narva Humanitar Gimnaziyasının Qəyyumlar Şurasının üzvü, Pro Narva Mərkəzi İdarəsi Şurasının üzvü, Avropa Azərbaycanlıları Konqresinin birinci vitse-prezidenti, Dünya Azərbaycanlıları Əlaqələndirmə Şurasının İdarə Heyətinin üzvü, “Aleksandr kilsəsi”nin Şura üzvüdür.

Latviya parlamentinin yeganə azərbaycanlı deputatı Roman Naudinş qanunverici orqanın komitələrindən birinin rəhbəri seçilib. 2014-cü il noyabrın sonuna qədər bu ölkənin regional inkişaf və ətraf mühit naziri işləyən Roman Naudinş ötən il oktyabrın 4-də keçirilən parlament seçkilərində iştirak edib və qalib gəlib. Nazir vəzifəsində qalmağı istəməyən azərbaycanlı deputat səs çoxluğu ilə parlamentin İqtisadiyyat, kənd təsərrüfatı, ətraf mühit və regional siyasət komitəsinin sədri seçilib.

Əslən azərbaycanlı Rəşid İsmayılov Rusiya rabitə və kütləvi kommunikasiyalar nazirinin müavinidir. 1988-1991-ci illər aralığında Moskva Kimyəvi Maşınqayırma İnstitutunda dərs deyən həmyerlimiz sonrakı dövrdə informasiya texnologiyaları (İT) üzrə müxtəlif müəssisələrdə çeşidli vəzifələr tutub. “Ericcson Rusiya”, “Nokia Siemens Netvork Rusiya” şirkətlərində bir sıra bölmələrə rəhbərlik edib. Rabitə nazirinin müavini təyinatına qədər Rəşid İsmayılov “Huawei Technologies” şirkətində vitse-prezident kürsüsünü tutub.

Ümumrusiya Azərbaycanlıları Konqresinin (ÜAK) Moskva vilayəti üzrə katibi Araz Mürsəliyev Rusiya Dövlət Dumasının Milli məsələlər üzrə komitəsinin ekspertlər şurasının üzvüdür. “Xalqlar Dostluğu” fondunun təsisçisi və rəhbəri, “Günay” kommersiya firmasının rəhbəri Araz Mürsəliyev Rusiya Dövlət Dumasının deputatı, elm xadimi, professor, Dumanın milli məsələlər üzrə katibi Hacımət Səfərəliyevin 22 iyun 2015-ci il tarixli qərarı ilə şuranın üzvü olub.

Almaniyada da Azərbaycan diasporunun üzvlərindən dövlət orqanlarında çalışanlar var. Bunlardan biri Könül İbrahimova Vinzen şəhərinin Emiqrasiya və İnteqrasiya İdarəsinin rəisidir.

Almaniyada yaşayan daha bir azərbaycanlı Müşfiq Sultanov isə Oyskirxen şəhərinin Emiqrasiya və İnteqrasiya İdarəsi rəisinin birinci müavini vəzifəsində çalışır.

Ukraynada yaşayan və Birləşmiş Ukrayna Azərbaycanlıları Konqresinin sədri Rövşən Tağıyev isə Ukrayna Nazirlər Kabinetinin tərkibində milli azlıqlar üzrə yaradılan şurada təmsil olunur.

Ukraynada yaşayan digər soydaşımız Paşa İlisuyski (Məmmədov) Ukrayna Xarici İşlər Nazirliyinin Radasına təyinat alıb. O, XİN-in Radasında yer alan yeganə azərbaycanlıdır. Onun üzvü olduğu məsləhətçi şura xarici siyasətdə əsas istiqamətləri müəyyənləşdirir və səfirlərin təyin olunmasında başlıca funksiyaları həyata keçirir. Ukraynada Paşa İlisuyski həm də biznes fəaliyyəti ilə məşğul olub. Bundan öncə isə Azərbaycanın diplomatik xidmətində çalışıb. 2009-2010-cu illər ərzində Azərbaycanın Dubaydakı vitse-konsulu vəzifəsini icra edib.

Digər soydaşımız Aqiyə Axundova Ukrayna İcra Xidmətinin birinci müavini vəzifəsində çalışır. O 2007-ci ilə qədər şəhər məhkəməsində çalışıb. Həmin il isə “Hüquqi Ənənələr” vəkil bürosunda fəaliyyətə başlayıb. 2009-cu il noyabrın 30-da Kiyev şəhər nəzarət-təftiş komissiyası ona vəkilliklə məşğul olmaq üçün müvafiq icazə verir. Aqiyə Axundova “Hüquqi Ənənələr” bürosunda sıravi işçidən direktor müavini və direktor vəzifələrində qədər yüksəlib.

Soydaşımız vəkil kimi cinayət hüququ üzrə ixtisaslaşıb. O, daha çox iqtisadi və vəzifə səlahiyyətlərini aşma sahəsində yol verilən cinayət proseslərində iştirak edib.

Dövlət vəzifəsinə təyin olunması ilə əlaqədar Aqiyə Axundova “Hüquqi Ənənələr” hüquqi bürosunu tərk edib. Ukraynada Viktor Yanukoviç hakimiyyətinə qarşı xalq etirazları baş qaldıran zaman Aqiyə Axundova “Maydan” hərəkatı üzvlərinin hüquqlarını qorumaqla məşğul olurdu.

Roman Nəsirov 2014-cü ildə VII çağırış Ukrayna Ali Radasına “Pyotr Poroşenkonun Bloku” Partiyasından deputat seçilib. Ali Radanın vergi və gömrük siyasəti komitəsinin sədridir. 2000-ci ildə Çerniqov Dövlət İqtisadiyyat və İdarəetmə İnstitutunu maliyyə ixtisası üzrə bitirən Roman Nəsirov 2001-ci ildə Taras Şevçenko adına Kiyev Milli Universitetinin hüquq ixtisasını bitirib. Şərqi London Universitetinin (University of East London) maliyyə və beynəlxalq menecment üzrə MBA dərəcəsi var. 2005-ci ildə ABŞ Cantor Fitzgerald/BGC investisiya bankının London ofisində broker kimi işə düzəlib. 2008‑ci ildə Ukraynaya qayıdıb və Concorde Capital-ın qiymətli kağızlar istiqamətinə rəhbərlik edib. 2009-cu ildə “Renaissance” Kiyev filialına rəhbərlik edib. 2014-cü ildən deputat seçilənə qədər “BTQ Paktual Komoditic” MMC-nin direktoru olub.

Kiyev dövlət telekanalının əməkdaşı işləmiş digər soydaşımız Rəna Nəzərova isə Kiyev Şəhər Şurasına deputat seçilib. O, “Kiyevski forum” televiziya layihəsinin müəllifi və aparıcısıdır. 2006-cı ildə Taras Şevçenko adına Kiyev Milli Universitetinin Jurnalistika İnstitutunu bitirib. 2002-ci ildən televiziyadadır. Səkkiz il ərzində Kiyev dövlət televiziyasında bir neçə proqramın müəllifi və aparıcısı olub. O, Ukrayna Milli Jurnalistlər İttifaqının üzvüdür. Ukrayna paytaxtının ictimai həyatında mühüm rol oynayır.

Rəna Nəzərovanın əri Yuri Zbitnev keçmiş tanınmış siyasətçi və biznesmendir. O, indi Vətəndaş Konstitusiya Konqresinin icraiyyə komitəsinin və “Yeni güc” Partiyasının rəhbəridir.(modern.az)


Etiket:
Xəbərlər

Nasistlərə yardım edən Soros: "Mənəviyyatsız insanam" - ETİRAFLAR

04.08.2020

Vətənpərvər alim, Fəal ictimaiyyətçi

03.08.2020

Qərbi Azərbaycan İrəvan Respublikasının DÖVLƏT GERBİ qəbul olundu

03.08.2020

Azərbaycan dilinin orijinal qrammatikası 400 il sonra

03.08.2020

1 Avqust - Azərbaycan Əlifbası Günüdür
 

01.08.2020

Qurban bayramının yaranma tarixi və İslamda yayılmasının sosial aspektləri

31.07.2020

Atasını ermənilər öldürdü, qardaşı repressiya olundu, oğlu onu illərlə aldatdı - Gülməkdən ölən böyük aktyorumuz

30.07.2020

Hamburqlu bar qızı necə Qdanskda türmə cəlladı oldu... - 22 yaşlı Jenni Barkman minlərlə əsiri məhv edib

29.07.2020

Abbasqulu bəy Şadlinski: Andranikə və Qareqin Njdeyə dəfələrlə qan udduran qəhrəman

28.07.2020

Jukovun sədaqətli sürücüsü – Buçindən marşal əleyhinə ifadə almaq istəyiblər, verməyib, 5 il həbs cəzası alıb.

25.07.2020

Bu gün Ağdam rayonunun işğalından 27 il ötür.

23.07.2020

Milli Mətbuat - 145 il

22.07.2020

BİZ ERMƏNİLƏRƏ NƏ VAXT QALİB GƏLƏCƏYİK?

20.07.2020

Onların hədəfi yalnız Qarabağ deyil...” – “Food City”dən erməniləri qovan İlham Rəhimov

18.07.2020

Fransız tarixçi: Bu, Paşinyan hökumətinə inamsızlığı dünyaya sübut etdi

17.07.2020

Şəhid İsmayılovla vida mərasimi keçirilir - Fotolar

16.07.2020

Ermənilərin “Qarabağ” imtinası: “Arsax” nə deməkdir?

15.07.2020

Şəhidlərimizin qisası alındı - TƏFƏRRÜATLAR

15.07.2020

Şəhid polkovnik-leytenant Raquf Orucovun həyat yoldaşı Sevinc Orucovanın bu gün şəhid olmuş general-mayor Polad Həşimova məktubu 

14.07.2020

Yolu Bakıdan keçən marşal – Stalinin dostu, SSRİ-nin ən uğursuz hərbçisi və ən şanslı naziri.

14.07.2020

ŞƏKİ ÜSYANI İşğalçı rusiya ordusuna bitməyən nifrətin dastanı.

11.07.2020

Prezident İlham Əliyevin çağırışına uyğun olaraq YAP tərəfindən “Qərbi Azərbaycanda soyqırımına məruz qalmış toponimlərimiz” kitabı nəşr olunub.

09.07.2020

İKİ DİLLİLİK (BİLİNGUALİSM)

08.07.2020

Alman qəzeti İrəvan xanlığından nə yazıb?

08.07.2020

Nazim Hikmətin yeni şeirləri tapıldı -FOTOLAR

06.07.2020

Hitleri qəzəbləndirən, fransız və rus idmançıları peşman edən “Borçalı şiri”

04.07.2020

Semaşko”nun həkimi Hicran Mustafayeva: “Mən cəhənnəmi yerdə gördüm”

04.07.2020

Nazir mənzilindən sürgün düşərgəsinin barakına – Gözəl yazıçı xanım 18 il boyunca iztirablar çəkib.

03.07.2020

Cek Londonun pandemiya ilə bağlı öncəgörməsi
 

02.07.2020

"SÖZÜN XAQANI” HAQQINDA SÖZ  

30.06.2020

Həsən bəy Zərdabinin ailəsi haqqında bilmədiyiniz – Faktlar

28.06.2020

Ermənistanda yetişdirilən “Azərbaycan Türkləri”

28.06.2020

26 iyun Azərbaycanın Milli Ordu Günüdür

26.06.2020

Ağcabədinin Salmanbəyli kəndi Şaumyanın silahdaşının adını daşıyır - ARAŞDIRMA

25.06.2020

Anadoluda erməni etnosu necə ortaya çıxdı?-Şahlar Hacıyev

24.06.2020

Kremlin məmurlarının ölümündə Andropov müəmması-SSRİ tarixinin sirli hadisələri...

23.06.2020

Ermənilər Azərbaycan Xalq Cümhuriyyətinin ən uğurlu diplomatı haqda ARXİVLƏRİ AÇDILAR

22.06.2020

Buhenvald düşərgəsində əsirlərə cəhənnəm əzabı yaşadan ər-arvad – biri həşərilik edib, o biri sifilis tutub.

21.06.2020

Nuh yurdu Naxçıvanı erməni hücumlarından qoruyan xilaskar

20.06.2020

Mübariz İbrahimov Azərbaycan əsgərinin qəhrəmanlıq rəmzidir

18.06.2020

Xalqın ən birinci günahı kitab oxumamaqdır.

18.06.2020

Kompleks yanaşma olmazsa, virus pik həddə çatacaq..." - ATU-nun dosenti ilə MÜSAHİBƏ

17.06.2020

15 İyun - Milli Qurtuluş Günü Azərbaycan dövlətçiliyinin xilas günüdür

15.06.2020

Müasir Azərbaycanın müstəqil dövlət kimi inkişafının əsasında Qurtuluş məfkurəsi və Ulu Öndər Heydər Əliyevin xilaskarlıq missiyası dayanır

14.06.2020

Heydər Əliyev Azərbaycanın xilaskarıdır - Akademik YAZDI

13.06.2020

Qətlə yetirilən nazir, azad edilən qatil

12.06.2020

“MONQOL-TATARLAR” MƏNBƏ VƏ RƏSMLƏRDƏ SARIŞINDIRLAR

10.06.2020

Nərimanov məsələsi - Mehman Cavadoğlu yazır
 

08.06.2020

Erməni vandalizmi: Qarakilsə necə Sisian rayonu oldu? - İnanılmaz faktlar

07.06.2020

Stalin ölənə qədər Hitlerin sağ olduğuna inanırdı – İspan mediası

07.06.2020
Bütün xəbərlər